Shymkenttegi temirjol vokzaly oblysqa qaıtarylady
ShYMKENT. QazAqparat - Shymkenttegi temirjol vokzaly oblystyń balansyna qaıtarylady. Oblystaǵy týrızm ındýstrııasyn damytý máselesin taqylaǵan jıynda óńir basshysy Janseıit Túımebaev osylaı dedi.
Týrızmdi damytý úshin aldymen, temirjol tasymaly men áýe qatynasyn qalypqa keltirý kerektigin alǵa tartqan ákim qazir bul baǵytta kelissózder júrgizilip jatqanyn aıtty, dep habarlaıdy QazAqparat HAA tilshisi.
«Biz qazir temirjol vokzalyn ózimizge alýǵa minekeı hat jazyp, kelisimin aldyq. Ózimiz jóndeı beremiz. Al, endi áýejaıymyz ol jekeshelendirýge qoıylǵan. Qazir QTJ-na qarap tur. Soǵan baılanysty tolyq ıgerilmeı jatyr», - dedi Janseıit Túımebaev.
Jıynda sondaı-aq ol sala mamandary óńirdegi barlyq tarıhı oryndar men týrıstik aımaqtardyń arnaıy kestesi belgilenetinin atap ótti. Budan bólek, týrızm salasyn damytýǵa oraı arnaıy bas jospar bekitiledi. Oǵan sáıkes, Shymkentti de týrızm ortalyǵyna aınaldyrý josparlanǵan. Bul úshin eski qala aýmaǵyn retke keltirý mańyzdy. Bul rette ákim kóne shahardyń búgingi kelbeti men sáýleti talapqa saı emes dep synǵa aldy.
«Shymkent qalasyn tarıhı qala dep aıtamyz. Biraq tarıhı kórsetetin jerimiz joq. Qoshqar ata mavzoleıin qalpyna keltirýimiz kerek. Osynyń negizinde týrızmdi damytý úshin bas jospar bekitilýi kerek», - dedi oblys ákimi.
Al, osy salaǵa jaýapty basqarma basshylyǵy týrızmdi damytý baǵytynda atqarylyp jatqan jumystar barysyn baıandady. Mamandardyń sózinshe, óńirdegi barlyq tarıhı oryndar túgendelip, olardyń jaǵdaıy baqylaýǵa alynǵan. Degenmen, kópshilik jıi at izin salatyn oryndar búginde tozyǵy jetip tur. Jóndeýdi qajet etedi. Aldaǵy halyqaralyq «EHRO-2017» kórmesi qarsańynda, týrızm salasyna qatysty jumysty jedeldetý qajet.
