Shymkenttegi tárbıeshilerdiń beıádep áreketi áleýmettik jelilerge tarap ketti
ShYMKENT. QazAqparat - Balabaqsha tárbıeshileriniń ádepsiz áreketi áleýmettik jelilerge tarap ketti. ıÝtýb jelisine salynǵan beınetúsirilimde ulttyq kıim kıgen tárbıeshilerdiń ersi qylyqtary kórsetilgen. Vıdeo sıpattamasynda balabaqsha Shymkentte ornalasqandyǵy jazylǵan, dep habarlaıdy QazAqparat HAA tilshisi.
Feısbýk jelisine «Bespredel Shymkent sadık» degen ataýmen túsirilgen beınetúsirilimdi Nurbol Orynbaı degen azamat salypty. Ol Shymkent qalalyq bilim bóliminiń basshysy Janat Tájıevadan osy túsirilimdi sońyna deıin kórip shyǵýyn suraǵan.
«Shymkentegi balabaqsha deıdi. Naýryzdy toılaýda. Janat apaı, kórińizshi sońyna deıin. Tərbıeshilerdiń búldirshinderge úıreteri osyndaı bolsa, baqshadaǵy jaǵdaı da məz emes eken» dep jazady ol.
Al, beınekóriniste tárbıeshiler naýryzǵa oraı uıymdastyrylǵan erteńgilikten keıin balalardyń kózinshe ersi bılep, beıádep qylyqtar jasaǵany túsirilgen. Kımeshek pen qazaqsha shapan kıgen, sondaı-aq ózge de balabaqsha qyzmetkerleri búldirshinderdiń kózinshe ózderin erkin ustaǵany kórinip tur. Beınetúsirilimniń sońyna qaraı olarǵa búldirshinder de qosylyp bılegen. Osylaısha mektepke deıingi mekemede ótken shara sońy bı keshine aınalyp ketken. Biraq ortada balalar emes, olarǵa bilim men tárbıe beretin apaılary bılegen.
Beınetúsirilimdi feısbýk jelisinen kórip shyqqan azamattar túrli pikir qaldyrǵan. Basym bóligi tárbıeshilerdiń bul árektterin synǵa alypty.
Ázirge bul túsirilimge baılanysty Shymkent qalalyq bilim bólimi qandaı da bir pikir bildirgen joq.
