Shymkenttegi syra zaýytynan órt shyqty
ShYMKENT. QazAqparat - Búgin Shymkenttegi syra zaýytynan órt shyqty. Jalyn zaýyttyń eski aǵashtar turǵan qoımasynda tutanǵan, dep habarlaıdy QazAqparat tilshisi.
Elimizdiń TJ Komıtetiniń málimetinshe, tilsiz jaýdy aýyzdyqtaýǵa 56 órt sóndirýshi men 9 tehnıka jumyldyrylǵan.
«Órt kúndizgi saǵat 14.35-te «Shymkent syra» zaýytynda shyqqan. Jalyn 5 sharshy metr aýmaqtaǵy aǵashtar men maı saqtalǵan 5 ydys turǵan jerden shyqqan. Órt shamamen 15.05-te aýyzdyqtaldy. Órt sóndirý sharalary áli de jalǵasýda. Órtten zardap shekkender men qaıtys bolǵandar joq» delingen resmı habarlamada.
