18:45, 25 Maýsym 2019 | GMT +5
Shymkenttegi shuǵyl jelige 50 myńǵa jýyq qońyraý túsken
ShYMKENT. QazAqparat -Shymkent qalalyq tótenshe jaǵdaı departamentinde shuǵyl jeli jumys istep tur, dep habarlaıdy QazAqparat.
«8 (7252) 44-94-72 shuǵyl jelisi jáne evakýatsııalyq pýnkter jetekshileriniń telefondary arqyly da osy pýnkterdegi azamattar týraly barlyq málimetti bilýge bolady. 25 maýsym kúngi saǵat 12:40-taǵy málimet boıynsha shuǵyl jelige barlyǵy 47 365 qońyraý túsken», - delingen ákimdik habarlamasynda.
Aıta ketsek, Shymkent qalasy ákimdiginiń resmı saıtynda «Arys-Shymkent» arnaıy bólimi ashylyp, saǵat saıyn qaýipsiz jerge kóshirilgen adamdar týraly málimettermen tolyqtyrylýda. Buǵan qosa, onda evakýatsııa pýnkteriniń mekenjaıy, ondaǵy ókilderdiń baılanys telefondary men joǵalǵan Arys turǵyndary týraly málimet jarııalanǵan.