Shymkenttegi provızorly oryndar men kúndizgi statsıonarlarda em alýshylar 77%-ǵa azaıdy

ShYMKENT. QazAqparat – Shymkenttegi provızorly oryndar men kúndizgi statsıonarlarda em alýshylar qatary 77%-ǵa azaıdy. Bul týraly aqparattyq-kommýnıkatsııalyq ortalyǵynda ótken brıfıngte qala ákiminiń birinshi orynbasary Shyńǵys Muqan málim etti, dep habarlaıdy QazAqparat tilshisi.

Shyńǵys Muqannyń sózinshe, qalada epıdemıologııalyq jaǵdaı qalypqa túse bastaǵan.

«Keshe bir kúnde 437 naýqas koronavırýstan jazyldy. Al, jedel járdem qyzmetin shaqyrtý ótken aılarda 2320-ǵa deıin jetse, búginde ol 1200 shaqyrylymǵa azaıdy. Bul – byltyrǵy jylmen salystyrǵanda 100 shaqyrtý ǵana kóp degen sóz. Qosymsha aıta ketsem, juqpaly aýrýlarǵa baılanysty provızorly oryndar men kúndizgi statsıonarlarda em alýshylar 77%-ǵa azaıdy. Degenmen árdaıym ahýaldy baqylaýda ustaý – bizdiń basty maqsat. Bul turǵyda júıeli josparlarymyz bar. Qazirgi qalypty normada 1420 tósek-oryndyq 10 provızorly stotsıonar jáne 2 ınfektsııalyq aýrýhana jumys isteýde. Eger naýqastar sany kóbeıse «B» nusqasyna, al ahýal tym ýshyqsa «S» nusqasyna kóshemiz», – dedi Shyńǵys Jumabekuly.