Shymkenttegi ortalyq meshitte qaıyrymdylyq sharasy ótti

ShYMKENT. QazAqparat – Shymkenttegi «Halifa-Al Nahaian Aqmeshit» ortalyq meshitinde «Oqy! Jaratýshy Rabbyńnyń atymen» atty qaıyrymdylyq sharasy ótti. Jıyn aıasynda qala meshitteri men medreselerge 1000 dana qasıetti Quran kárim kitaby tegin úlestirildi, dep habarlaıdy QazAqparat tilshisi.

Shara barysynda bas ımamnyń orynbasary Ahmetjan qajy Kerimbek pen Kýveıt memleketi «Dúnıejúzilik qaıyrymdylyq» qorynyń Qazaqstandaǵy ókildiginiń basshysy, doktor ıAsır Mýhammad Alı sóz sóılep, jınalǵan jurtshylyqqa yqylas peıilin bildirdi. Óz kezeginde meshit qyzmetkerleri raqymshylyq tanytyp, jaqsy amaldar atqarýdyń saýaby da salmaqty ekendigin aıtty. Atalǵan sharaǵa qarjylaı qoldaý bildirgen qordyń Qazaqstandaǵy ókildigine meshit qyzmetkerleri alǵys bildirdi. Aıta keteıik, Quran kárim – musylman balasynyń týra joldan taımaı, ómir baǵytyn durys taýyp júrýine arnalǵan basshy kitap sanalady.