Shymkenttegi orta mektep dırektory para aldy degen kúdikke ilindi

NUR-SULTAN. QazAqparat - Shymkent qalasy boıynsha Sybaılas jemqorlyqqa qarsy qyzmeti orta mektep dırektoryna qatysty sotqa deıingi tergeýdi bastady. Bul týraly QR Sybaılas jemqorlyqqa qarsy is-qımyl agenttiginiń jedel-tergeý qyzmetiniń nátıjeleri týraly ótken onlaın brıfıngte aıtyldy, dep habarlaıdy QazAqparat tilshisi.

«Ol 2020 jylǵy 27 mamyrda atalǵan mekteptiń áleýmettanýshysynan eńbekaqysy tólenbeıtin demalysqa jibermeý jáne jalaqysyn aýdarý úshin 40 000 teńge alýǵa qatysty kúdikke ilindi», - deıdi QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov.

Onyń aıtýynsha, sotqa deıingi tergeý jalǵasýda.

«Kúdiktiniń kinálilik dárejesi týraly túpkilikti sheshimdi sot shyǵarady. QR Qylmystyq-protsessýaldyq kodeksiniń 201-baby aıasynda ózge aqparat tergeý múddesi úshin jarııalaýǵa jatpaıdy», - dep atap ótti tergeýshi.