Shymkenttegi óndiris ornynda eki jumysshy zardap shekti
ShYMKENT. QazAqparat - Shymkentte óndiris ornyndaǵy eki jumysshynyń ústine temir qulap ketken. Jaraqat alǵandar jedel járdem aýrýhanasyna jetkizilgen. Óńirdiń eńbek ınspektsııa basqarmasy bergen málimetke saı oqıǵa keshe túngi ondar shamasynda bolǵan, dep habarlaıdy QazAqparat HAA tilshisi.
Belgili bolǵandaı, Tassaı eldi mekenindegi «Nur Stroı» JShS bazasynda jumysshylar túngi kezekshilikke túsken. Sol kezde eki jumysshynyń ústinen temir qulap ketedi. Oqıǵa ornynda bolǵan temir ustalarynyń ekeýi de aýyr jaraqattanǵan. Jedel járdem qyzmeti bergen habarlamaǵa sáıkes, biriniń eki aıaǵy synyp, jabyq jaraqat alsa, ekinshisiniń jambasy men oń aıaǵyna zaqym kelgen. Onyń da aıaǵy synyp ketipti. Shaqyrylǵan jedel járdem qyzmeti ekeýin de aýrýhanaǵa jetkizgen.
«Qabyldaý bólimine túngi on birler shamasynda 60 jáne 61 jastaǵy naýqas kelip tústi. Olardyń óndiristik jaraqat alǵany belgili boldy. 60 jastaǵy jumysshynyń alǵan jaraqaty aýyr bolǵan soń jansaqtaý bólimine jatqyzyldy. Ekinshi naýqas ta jaraqat bólimine jatqyzyldy. Onyń eki aıaǵy synǵan. Zardap shegýshilerdiń qazirgi jaǵdaılary qalypty, tıisti em qabyldaýda», - dedi Shymkent qalalyq jedel járdem aýrýhanasynyń dárigeri Asqar Ábdimáýlenov.
Óńirdiń Eńbek ınspektsııasy basqarmasynyń basshysy Bastar Esqaraev tıisti tekserýler taǵaıyndalyp, jumysshylardyń qandaı jaǵdaıda jaraqat alǵany anyqtalatynyn aıtty. Sondaı-aq ishki ister qyzmetkerleri aýrýhanada jatqan jumysshylardan jaýap alýda.
