Shymkenttegi oqýshyny elektrondy baqylaý júıesi ózge de mektepterde júzege asyrylmaq
ShYMKENT. QazAqparat - Shymkent qalasy ákimdigi men prokýratýra jáne polıtsııa qyzmetkerleri birlesip ázirlegen «I-mektep» elektrondyq baqylaý júıesi oqýshylardyń úlgerimin arttyrýǵa oń yqpal etken. Bul týraly qala ákimi Ǵabıdolla Ábdirahymovtyń tóraǵalyǵymen ótken kezekti ákimdik májilisinde sóz boldy, dep habarlaıdy QazAqparat HAA tilshisi.
Memlekettik jastar saıasatyn júzege asyrýdyń barysy men kámelet jasqa tolmaǵandar arasynda quqyq buzýshylyqtyń aldyn alý máseleleri qaralǵan jıynda jańadan jasalǵan júıeniń sondaı-aq jasóspirimder arasyndaǵy quqyq buzýshylyq deńgeıiniń tómendeýine iser etkeni aıtyldy. Eske sala ketsek, «I-mektep» elektrondy júıesi oqýshylardyń úlgerimi men sabaqqa qatysýyn baqylaý boıynsha qala aýmaǵyndaǵy 29 mektepte engizilgen. Qalalyq jergilikti polıtsııa qyzmetiniń basshysy Danııar Meıirhannyń aıtýynsha, jańa júıe oqýshylardyń úlgerimin 15%-ǵa, sabaqqa qatysýyn 35% -ǵa arttyrýǵa áser etipti.
«Oqýshylardyń sabaqqa júıeli túrde qatysýy - qylmystyq jaǵdaıdyń aldyn alýda mańyzdy oryn alady. Bul júıe óz kezeginde, bizdiń uzaq jyldar boıy atqaryp kelgen qyzmetimizdi edáýir jeńildetip, quqyq buzýshylyq deńgeıin tómendetýge aıtarlyqtaı septigin tıgizýde», - dedi Danııar Meıirhan.
Endigi jerde, Shymkent qalasynyń mektepterinde qoldanysqa engen atalmysh pılottyq júıe QR Bilim jáne ǵylym mınıstrligi men Іshki ister mınıstrligi tarapynan zerdelenip, el aýmaǵyndaǵy ózge de orta mektepterde júzege asyrylmaq.
