Shymkenttegi «Nur Otan» partııasynyń fılıalynda merekelik shara ótti
Saltanatty jıynda ardagerlerge qurmet kórsetilip, qoǵamdyq ómirge belsendi atsalysyp júrgen qarttar marapattaldy, dep habarlaıdy QazAqparat tilshisi.
Partııa fılıalynyń birinshi orynbasary Bahadyr Narymbetov partııa belsendilerin elimizdiń ulyq merekesi-Táýelsizdik kúnimen quttyqtap, ulyq merekeniń mańyzdylyǵyna toqtaldy. Elimizdiń eńsesin kóterip, irgesin bekite túsýine eleýli úles qosyp kele jatqan azamattardyń eńbegin atap ótti.
«Təýelsizdik kúni – Otanymyzdyń árbir azamaty úshin qasterli mereke. Biz babalar ańsaǵan beıbit jáne táýelsiz elde ómir súrip jatyrmyz. Yntymaqty – uran, tatýlyqty – tý etken beıbit halqymyz osy ýaqyt aralyǵynda tolaǵaı tabystarǵa jetti. Bir shańyraqtyń astynda turyp jatqan barsha halqymyzdyń dostyǵy berik, birlik máńgi jasaı bersin. Árbir otbasyna baqyt, Otanymyz – Qazaqstan Respýblıkasynyń ıgiligi jolynda tabys tileımin»,- dedi Bahadyr Narymbetov.
Partııa fılıalynyń birinshi orynbasary sondaı-aq, partııa baǵdarlamalaryn oryndaýda belsendilik tanytyp, el ıgiligi jolyndaǵy bastamalardy iske asyrýda eseli eńbek etken birqatar azamatty marapattady. Sonymen qatar «Belsendi qyzmeti úshin» tósbelgisimen Buharbaı Parmanov nagradtaldy.
