Shymkenttegi Muz saraıynda halyqty salaýatty ómir saltyna shaqyratyn aktsııa ótti

ShYMKENT. QazAqparat – Shymkenttegi Muz saraıynda halyqty salaýatty ómir saltyna shaqyratyn aktsııa ótti. Qalalyq salaýatty ómir saltyn qalyptastyrý ortalyǵy men Іshki ister departamentiniń Esirtkige qarsy kúres basqarmasy uıymdastyrǵan sharada narkolog-dárigerler turǵyndardy qabyldap, mamandar esirtkiniń zııanyn túsindirdi, dep habarlaıdy QazAqparat tilshisi.

Aqparattyq is-shara barysynda esirtkige qarsy kúres basqarmasy qyzmetkerleriniń atqarylyp jatqan jumysy týraly baıandaldy. Aktsııaǵa kelgen turǵyndar sondaı-aq, qalalyq №8 qysqy sport túrlerinen olımpıada rezerviniń mamandandyrylǵan balalar men jasóspirimder sport mektebiniń sportshylarynyń ónerin tamashalady. Sportshylar muz aıdynynda mánerlep syrǵanap, short-trek ádis-tásilderin kórsetti. Olar ózara saıysyp, qala turǵyndaryna erekshe oıyn órnegin pash etti. Shara sońy kontserttik baǵdarlamaǵa ulasty. Qalalyq salaýatty ómir saltyn qalyptastyrý ortalyǵynyń ókilderi muz aıdynynda óner kórsetken talanatty jastarǵa túrli syılyqtar tartý etti.