Shymkenttegi munaı óńdeý zaýytyndaǵy jóndeý jumystary merziminen buryn aıaqtaldy

Bul týraly «PetroQazaqstan» kompanııasynyń baspasóz qyzmeti málim etti, dep habarlaıdy QazAqparat.

Jóndeý jumystarynyń aıaqtalýyna oraı keshe qaıta óńdeýge munaı qabyldaý bastalǵan, al búgin munaıdy aıdaýshy qural iske qosylǵan. Qalǵan óndiristik quraldar tehnologııalyq talaptar boıynsha birtindep iske qosylatyn bolady.

«PetroQazaqstan Oıl prodakts» JShS basshylyǵy men kompanııa ujymy respýblıka jurtshylyǵy aldyndaǵy áleýmettik jaýapkershilikti sezine otyryp, qazirgi tańda qalyptasyp otyrǵan munaı ónimderi baǵasyn qalypty ustaýǵa yqpal jasaýǵa tyrysady» delingen kompanııanyń baspasóz qyzmeti taratqan habarlamada.

"PetroQazaqstan" Qytaıdyń ulttyq munaı korporatsııasy men «QazMunaıGaz»-dyń ıeligindegi kompanııa bolyp tabylady. Qazirgi tańda munaı men gazdy barlaý, óndirý, óńdeý, satýmen aınalysady.