Shymkenttegi munaı óńdeý zaýytynda bir jylda 4,6 mln tonnadan asa munaı óńdeldi
ShYMKENT. QazAqparat - Shymkenttegi munaı óńdeý zaýytynda bir jylda 4,6 mln tonnadan asa munaı óńdelgen. Óndiris orny jumysty josparlanǵan kórsetkishten 326 myń tonnaǵa artyq oryndaǵan, dep habarlaıdy QazAqparat tilshisi.
«PetroQazaqstan Oıl Prodakts» JShS baspasóz qyzmetiniń málimetinshe, zaýyt QR Energetıka mınıstrliginiń jospary boıynsha 4,360 mln. tonna munaı óńdeýi tıis bolatyn. Onyń ishinde 279,7 myń tonna avıakerosın 127 paıyzǵa artyq shyǵarylǵan. Jalpy óndiriletin avtomobıl benzınderiniń kólemi boıynsha eseptegende óndiriletin joǵary oktandy benzınderdiń úlesi 69 paıyz bolady dep josparlansa, naqtysynda ol 85,8 paıyzdy quraǵan. Bul jospardan 124,3 paıyzǵa artyq degen sóz.
Al, osy jyly qańtar aıynyń alǵashqy 18 kúninde «PetroQazaqstan Oıl Prodakts» JShS-de 240,3 myń tonna munaı óńdeldi. Osy kórsetilgen ýaqyt aralyǵynda K4-ekologııalyq klasyndaǵy 54,5 myń tonna dızel otyny, K4-ekologııalyq klasyndaǵy 58,8 myń tonna joǵary oktandy benzınder jóneltildi.
