Shymkenttegi munaı qoımasyndaǵy órt bir táýlik boıy sóndirildi
ShYMKENT. QazAqparat - Shymkenttegi munaı ónimderi qoımasyndaǵy órt búgin tańǵa jýyq sóndirildi. Bul týraly Oblystyq tótenshe jaǵdaılar departamentiniń bastyǵy Nurbolat Derbisov málimdedi, dep habarlaıdy «QazAqparat» HAA tilshisi.
Departament bastyǵynyń sózine qaraǵanda, jalyn qoımadaǵy ózge rezervýarlarǵa ótpegen. Órtti sóndirýge jumyldyrylǵan 35 tehnıka men 200-deı adamnyń kómegimen jalyn tańǵy 6.40-ta tolyqtaı aýyzdyqtalǵan. Bul jumystarǵa 100 tonna sý men arnaıy suıyqtyq jetkizgen poezd pen áýeden baqylaý júrgizgen tikushaqtyń da kómegi tıgen. Jergilikti bılik tarapynan úzdiksiz sý tasymaldaǵan kólikterdiń de yqpaly kóp boldy.
Eske salaıyq, keshe tańǵy 7.51 shamasynda «Shymkent munaı ónimderi» AQ-nyń qoımasynan órt shyǵyp, bir jumysshy qaza tapqan edi. Marqum bolǵan 46 jastaǵy azamat osy qoımada operator bolyp jumys istegen. Qazir tótenshe jaǵdaılar qyzmeti men quzyrly organ ókilderi órttiń ne sebepti shyqqanyn anyqtaıtyn bolady. Tekserý sharalaryna óńirdiń eńbek ınspektsııasy da aralasyp, jumysshynyń ólimine qatysty naqty sheshimder qabyldaıdy.
