Shymkenttegi mobıldi toptar 53 myń naýqasty tegin dári-dármekpen qamtamasyz etti

ShYMKENT. QazAqparat – Shymkent qalasyndaǵy emhanalar janynan quralǵan mobıldi toptar 53 myń naýqasty tegin dári-dármekpen qamtamasyz etti. Medıtsına mamandary dárilik zattardy dıspanserlik esepte turatyn naýqastardyń úıine jetkizip berýde, dep habarlaıdy QazAqparat tilshisi.

Búginde 211 mobıldi top qyzmetkeri táýlik boıy shaqyrtýlarǵa shyǵýda. Qazirgi tańǵa deıin 17 myńnan asa naýqastyń úıine baryp, medıtsınalyq qyzmet kórsetken.

Budan bólek, mamandar 608 831 adamǵa medıtsınalyq qajettilikteri boıynsha qońyraý shalǵan. Aıta ketý kerek, mobıldi toptar halyqqa naýqasty tekserý men onyń jaǵdaıyn baǵalaý, COVID-19 kúdikti naýqastardy jedel jáne PTR-testileý, kórsetkishter boıynsha rentgenografııaǵa nemese kompıýterlik tomografııaǵa joldama berýmen de shuǵyldanady. Sondaı-aq, qandaǵy ottegimen qanyqtyrý 93% tómendegen jaǵdaıda ımpýlstik oksımetrııany júrgizý, qajetti mamanmen aýdıo nemese vıdeo keńes berýdi uıymdastyrady. «Koronavırýstyq ınfektsııa COVID-19» dıagnozy men emi úshin klınıkalyq hattamaǵa sáıkes dári-dármekterdi taǵaıyndaý jáne úıde emdeý nemese statsıonarǵa jatqyzý týraly máseleni sheshý boıynsha da qyzmet kórsetýde.