Shymkenttegi meıramhanada tutanǵan jalyn 580 sharshy metr aımaqty sharpydy
ShYMKENT. QazAqparat - Shymkent ortalyǵyndaǵy dámhanada tutanǵan jalyn 580 sharshy metrdi sharpydy, dep habarlaıdy QazAqparat tilshisi ІІM Tótenshe jaǵdaılar komıtetiniń baspasóz qyzmetine silteme jasap.
Qutqarýshylar órt apaty týraly egjeı-tegjeıli aqparattardy jarııalady. Órti sóndirýge 95 adam jáne 24 tehnıka jumyldyrylǵan. Eki adam qutqaryldy.
«11-shi mamyr kúni saǵat 16:31-de Shymkent qalasyndaǵy Respýblıka dańǵyly 12 a úıde ornalasqan 1,5 qabatty «Garaj» meıramhanasynan órt shyqqany týraly habar keldi. Órtten 2 adam qutqaryldy. Órt 16.58-de tolyqtaı sóndirildi»,- dedi vedomstvo ókilderi.
Órttiń beınekórnisteri men sýretteri de áleýmettik jelilerge tez tarap ketti.
