Shymkenttegi mektepterge bosqyndar ornalastyrylady degen aqparat jalǵan - ákimdik

ShYMKENT. QazAqparat – Áleýmettik jelilerge Shymkenttegi mektepterdiń birine bosqyndar ornalastyrylady degen aqparat taraǵan bolatyn. Alaıda bul aqparatty qalalyq ákimdiktiń baspasóz qyzmeti joqqa shyǵardy, dep habarlaıdy QazAqparat tilshisi.

Qalalyq ákimdiktiń baspasóz hatshysy Beken Qonystyń aıtýynsha, mektepterdiń birinde jańa oqý jylyna daıyndyq jumystary júrgizilgen.

«Aýǵanstan bosqyndaryn qabyldaıdy degen aqparat shyndyqqa sáıkes kelmeıdi. Toǵys turǵyn alabyndaǵy N120 mektepte jańa oqý jylyna baılanysty josparly jumystar atqarylýda», deıdi ol.