Shymkenttegi mektepterdiń dırektorlary ýaqytsha tergeý abaqtysyn kórip shyqty
Sybaılas jemqorlyqqa qarsy is - qımyl agenttiginiń Shymkent qalasy boıynsha departamentiniń uıymdastyrýymen ótken sharada bilim salasy qyzmetkerleri abaqtydaǵy jatqandardyń tynys-tirshiligimen tanysty, dep habarlaıdy QazAqparat tilshisi.
Memleket basshysy Qasym-Jomart Toqaev halyqqa arnaǵan Joldaýynda sybaılas jemqorlyqpen jan-jaqty kúresý kerektigi, bul baǵytta arnaıy saraptama júrgizý men qaıta qalpyna keltirý qajettigi aıtylǵan bolatyn. Osyny eskergen departament qyzmetkerleri bilim salasyndaǵy jemqorlyqty joıýdyń joldaryn qarastyrǵan.
Atalǵan sharany uıymdastyrýdaǵy maqsat - jemqorlyq qylmystary órship ketken bilim berý salasy basshylaryn túrmemen jaqyn tanystyrý bolǵan. Dırektorlar sottalǵandar otyratyn kameraǵa kirip kórip, bazbiri syrttan baqylap turdy.
Aıta keteıik, jalpy jyl basynan beri shymqalada bilim berý salasynyń 4 qyzmetkeri para alyp ustalǵan bolatyn. Jemqorlyq etek jaıǵan sala basshylaryn túrmege shaqyrý aldaǵy ýaqytta da jalǵasa bermek. Osylaısha sala mamandary beleń alǵan jemqorlyqty aýyzdyqtaýǵa nıetti.