Shymkenttegi mektepterdiń birinde oqýshyny uryp jatqan sát jelige tarap ketti
ShYMKENT. QazAqparat - Shymkentte mektep oqýshylary 17 jastaǵy jasóspirimdi uryp-soǵyp, ony «Vkontakte» áleýmettik jelige salyp jibergen. Qazir oqıǵaǵa qatysy bar degen kúdikti ustaldy, dep habarlaıdy QazAqparat HAA tilshisi.
Shymkent qalasyna qarasty Ál-Farabı aýdandyq polıtsııa bólimine mektep oqýshysynyń anasy aryzdanǵan. Ol 17 jastaǵy ulyn belgisiz bireýler uryp, beınematerıaldy áleýmettik jelige salǵandyǵyn aıtqan. Osydan keıin jedel izdestirý sharalaryn júrgizgen tártip saqshylary izin sýytpaı qaladaǵy mektepterdiń biriniń 2000 jyly týǵan oqýshysyn ustady. Seziktiden aıǵaqty zat retinde beınetúsirilim alynǵan.
Qazirgi tańda oǵan qatysty Qylmystyq kodekstiń 293 baby «Buzaqylyq» pen 147 baby «Jeke ómirge qolsuǵylmaýshylyqty jáne Qazaqstan Respýblıkasynyń derbes derekter jáne olardy qorǵaý týraly zańnamasyn buzý» baby boıynsha is qozǵalyp, tergeý amaldary júrgizilýde. Al, tártip saqshylarynyń qolyna túsken kúdiktiniń ózge sybaılastary izdestirilýde. Polıtseıler sondaı-aq keleńsiz jáıttiń ne sebepti oryn alǵanyn da anyqtaýda.
