Shymkenttegi mektepterde «úshtik odaq» qurylady
Bul týraly búgin bilim berý uıymdaryn aralaǵan qala ákiminiń birinshi orynbasary Shyńǵys Muqan málimdedi.
ıAǵnı, oqýshy, ata-ana, muǵalim arasyndaǵy baılanysty arttyrý arqyly oqýshynyń bilimdi ári tárbıeli azamat bolyp qalyptasýyna jaǵdaı jasaý mindeti tur.
«Ata-analar aıyna bir ret muǵalimge kómektesip, bir kúnin mektepte ótkizetin tájirıbeler de bar. Árıne, ata-analardyń qalaýy boıynsha. Onyń paıdasy ata-ana muǵalimniń qadirin túsinip, balasynyń úlgerimin kórip, sabaq ótýdi úırenedi. Nátıjesinde ata-analar úıde balalarynyń sabaǵyna kóbirek kóńil bóledi. Aldaǵy ýaqytta osy mektepte bul tájirıbe engiziledi. Eger oqýshylardyń úlgerimine jaqsy áser etse, basqa da mektepterge engizý qarastyrylady», -dedi Shyńǵys Muqan.
Shymkent qalasy ákiminiń qaýlysyna sáıkes, oqý jylynyń úshinshi toqsanynan bastap megapolıs mektepterindegi bastaýysh synyp oqýshylaryna tolyǵymen tegin ystyq tamaq berile bastady. Osyǵan deıin bir mezgil tegin ystyq tamaq tek áleýmettik jaǵdaıyna qaraı berilgen bolsa, endi memlekettik jáne jekemenshik mektepterdiń 1-4 synyp oqýshylary júz paıyz ystyq tamaqpen qamtylyp otyr. Sonymen qatar memlekettik bilim uıalaryndaǵy áleýmettik jaǵdaıy tómen otbasynda tárbıelenetin 28 367 joǵary synyp oqýshysy tegin tamaqtanýda.
Qala ákiminiń birinshi orynbasary Shyńǵys Muqan mektepterdegi ystyq tamaq mázirimen tanysty. Sondaı-aq, №135 mektepte ata-analarmen kezdesip, bilim salasyna qatysty máselelerdi talqylady.
Erkin ótken pikir almasý barysynda ata-analardyń suraqtaryna jaýap berip, usynystaryn tyńdady.
Qala ákiminiń birinshi orynbasary №132 mektep pen polıtehnıkalyq kolledjde bolyp, bilim berý mekemeleriniń jumys barysymen tanysty.
