Shymkenttegi Mártóbe tarıhı kesheninde keleshek urpaqqa joldaý-kapsýla qalandy
Shahar ákimdiginen málim etkendeı, keleshek urpaqqa óz joldaýyn sot qyzmetkerleri qaldyryp otyr. Onda 14-15-ǵasyrlardan bastaý alǵan qazaq eliniń zańnama tarıhy men egemendi elimizdiń búgingi Zań ústemdigi baıandalǵan. «Mártóbe - eldigimizdiń mártebesin, birligimizdiń berekesin aıshyqtaǵan jer. Bul aýmaqta áıgili Dala parlamentiniń keleli jıyndary ótip, «Jeti jarǵyǵa» súıene otyryp tarıhta izi qalǵan mańyzdy sheshimder qabyldanǵan. Qazaq tarıhy qashanda birigý tarıhy bolǵanyn bilemiz. Іshki birligimizdi bekemdegen, eldigimizdiń eńsesin kótergen mundaı qasıetti oryndar el jadynda máńgi saqtalmaq» - dedi shara barysynda Shymkent ákimi M.Áıtenov.
Aıta keteıik, Mártóbe kesheni Qarataý aýdanynyń Saıram turǵyn alaby men Qaramurt aýylynyń aralyǵynda ornalasqan. Bul - ÚІІ-HІІ ǵasyrlardaǵy qalashyqtyń orny. 20h30m ólshemdi tsıtadel. Bıiktigi - 6-7 m, tóbesi - tegis.
Munda HÚІІ ǵasyrda bılik basyna kelgen Esim hannan bastap, HÚІІІ ǵasyrdaǵy Táýke han tusyna deıin alty alashtyń balasy bas qosyp, bıler keńes qurǵan. «Esim hannyń eski joly» jáne «Jeti jarǵy» da osy mańda talqyǵa túsip, jarııalanǵan. «Jeti jarǵyny» qabyldar sátte qazaqtyń ataqty bı-sheshenderinen 12 bı, olardyń qatarynda Tóle, Qaz daýysty Qazybek, Áıteke bılerden ózge Jaıma, Sasyq, Kókim bıler da qatysqan. Mártóbeniń Uly dala parlamenti atalýy osydan.
