Shymkenttegi kópqabatty úılerge jylý berile bastady
ASTANA. QazAqparat - 20 qazannan 1 qarashaǵa deıin Shymkenttegi kópqabatty úıdiń barlyǵy ortalyq jylý júıesine qosylady. Al jylýdyń aqysyna kelsek, ol 1 qarashadan bastap esepteledi. Al jylý eseptegish qural ornatylǵan úılerde basqasha esepteledi, dep habarlaıdy qala ákimdiginiń baspasóz qyzmetinen.
Qala ákimi jylý maýsymynyń bastalǵany týraly ókimge qol qoıdy. Shymkentte ol 20 qazannan resmı bastalady. Qazir kópqabatty úılerdiń barlyǵynda jylý berý jumystary júrýde.
«Bizdiń servıstik brıgada jumysyn bastady. Buǵan qosa biz búginde úı turǵyndaryna úıishilik servıstik qyzmet kórsetý kelisim-shartyn jasaýdy usynýdamyz. Sonyń nátıjesinde biz úıdegi jylý júıesin tolyǵymen jańarta alamyz. Kelisim-shart jasalǵan soń bizdiń barlyq jumysymyzdyń aqysyn bólip tóleýge bolady. Buǵan qosa biz kelisim-shart aıasynda jylý júıesindegi olqylyqtardy únemi jóndep turatyn bolamyz. Onyń aqysy 1 sharshy metrge - 6 teńge. ıAǵnı, biz ventıl men burandalardy, qubyrdyń birneshe metrin almastyramyz», - deıdi "Qýat jylý ortalyǵy" MKM jetekshisi Nursadyq Ergeshbek.
MKM bas ınjeneri Perdebaı Sabıtovtyń aıtýynsha, qazir bizdiń kompanııamen qyzmet kórsetý kelisim-shartyna 600-den asa úı turǵyndary qol qoıdy. Taǵy 845 úıge jekemenshik seriktestikter qyzmet kórsetedi.
