Shymkenttegi qonaqúılerdiń birinen Japonııa azamatynyń denesi tabyldy
ShYMKENT. QazAqparat - Shymkenttegi qonaqúılerdiń birinen Japon eli azamatynyń denesi tabyldy. Bul týraly oblystyq ІІD baspasóz qyzmeti habarlady. Tártip saqshylary sheteldiktiń elimizge saıahattan kelgenin aıtady, dep habarlaıdy QazAqparat HAA tilshisi.
Belgili bolǵandaı, Japon elinen ońtústikke bir top týrıst kelgen. Olar bir kún buryn Túrkistan shahary men Arystan bab kesenelerin aralap keledi. Kelesi kúni ózge aýdandarǵa saıahat jasaýǵa shyqqanda 69 jastaǵy japondyq jınalatyn orynǵa kelmeı qalypty. Saıahatshylardyń biri bólmesine baryp qarasa, alpysty alqymdaǵan azamat jan tásilim etkenin kórgen. Dereý qonaqúıdiń qojaıyndary men tártip saqshylaryn shaqyrtqan.
«Máıitte zorlyq kórsetýdiń belgileri anyqtalmaǵan. Soǵan qaramastan birneshe sot-medıtsınalyq saraptalar taǵaıyndaldy. Qazir sheteldiktiń neden qaıtys bolǵanyn Shymkent qalasyna qarasty Abaı aýdandyq polıtsııa bóliminiń qyzmetkerleri aınalysýda», - dedi oblystyq ІІD baspasóz qyzmetiniń bas mamany Sypabek Jarqynbekov.
