Shymkenttegi kólik keptelisi jańa júıeniń kómegimen retteledi
ShYMKENT. QazAqparat - Shymkenttegi kólik keptelisi jańa júıeniń kómegimen retteletin boldy. Jańadan qoldanysqa engiziletin ıntellektýaldy kólik júıesi qaladaǵy jol-kóshe jelileri men kólik aǵyndaryn basqarý máselesin sheshpek, dep habarlaıdy QazAqparat tilshisi.
Mamandardyń aıtýynsha, jańa júıeni engizý jobasy birneshe kezeń boıynsha júzege asyrylatyn bolady. Aldymen «aqyldy» baǵdarshamdar ornatý qolǵa alynyp otyr. Olar keptelis bolmaý úshin júrgizýshilerdi kólik qozǵalysy az kóshelerge baǵyttaıdy. Búginde mundaı baǵdarsham qalanyń Adyrbekov pen Jibek joly kósheleriniń qıylysynda ornalasqan. Máselen, osy jyly shym shaharǵa 12 baǵdarsham ornatý josparlanǵan bolsa, onyń ishinde ekeýi «aqyldy» baǵdarsham bolyp otyr. Ekinshi kezeń - foto jáne beınejazba júıesi. Bul boıynsha Shymkent qalasynda barlyǵy 992 foto-beınejazba qurylǵylary ornatylǵan. Sonyń ishinde 479 kamera jol erejelerin buzǵan kólik quraldaryn anyqtasa, 513 kamera jalpy sholýǵa arnalǵan. Barlyq beıne baqylaý kameralary qalalyq Іshki ister basqarmasyndaǵy Shuǵyl basqarý ortalyqtary arqyly jiti qadaǵalanady. Budan bólek, jańa júıede qoǵamdyq kólikterdi baqylaý jáne elektrondyq bılet máselesi de qaralǵan. Máselen, Shymkent qalalyq qoǵamdyq kólik jelisi 78 baǵyttan turatyn bolsa, barlyq avtobýstar derekterdi naqty ýaqyt rejiminde málimet berý qurylǵysymen (GPS) tolyǵymen jabdyqtalǵan. Ol úshin «Dıspetcherlik qyzmet ortalyǵy» jumys isteıdi. Al, qaladaǵy qoǵamdyq kólikterge elektrondy bılet júıesin endirý boıynsha «SMART-JKH» JShS-gi men aǵymdaǵy jyldyń aqpan aıynda memorandým jasalǵan.
Tutastaı alǵanda, oblys ákimdigi tarapynan Intellektýaldy kólik júıeleriniń negizgi komponentterin endirý jáne damytý boıynsha jumystar bekitilgen Jol kartasyna sáıkes, respýblıkalyq biryńǵaı júıege kezeń-kezeńimen ıntegratsııalaý arqyly júzege asatyn bolady.
Aıta keteıik, óńirde ótken jyly tirkelgen avtokólikterdiń sany 500 myńnan asyp jyǵylady. Osyǵan baılanysty, oblys kóleminde, sonyń ishinde Shymkent qalasynda jol keptelisterin retteý máselesi qolǵa alynyp otyr.
