Shymkenttegi kilem fabrıkasy 3 mln. sharshy metr kilem toqydy
ShYMKENT. QazAqparat - Shymkenttegi kilem jáne polıpropılen jipterin shyǵarýmen aınalysatyn «Bal Tekstıl» fabrıkasy eksport kólemin 20-30 paıyzǵa arttyrdy.
Búginde kompanııa ónimderin Reseı, Qyrǵystan, Tájikstan men Azerbaıjan syndy elderge saýdalaýda, dep habarlaıdy QazAqparat HAA tilshisi.
«Ońtústik» arnaıy ekonomıkalyq aımaǵynda ornalasqan kilem fabrıkasy qazaqstandyq kásipkerler men kilem shyǵaratyn «Kartal Carpets» atty túrik kompanııasymen birigip 2013 jyldyń qazan aıynda iske qosylǵan. Búginde 240 adam jumys isteıtin fabrıkanyń jylyna 5 mln. sharshy metr kilem toqyp, 4 myń tonna polıpropılendi kilem túgi jibin shyǵarýǵa múmkindigi bar. Bastapqyda 1,7 mlrd. teńge kóleminde ınvestıtsııa salynǵan óndiris orny ótken jyly 3 mln. sharshy metr kilem toqyǵan. Munda óndiristik qýaty táýligine 9 myń sharshy metrge deıin kilem toqıtyn «Van De Wiele» fırmasynyń 7 stanogy men polıpropılen jipterin ıiretin Frantsııa, Germanııa elderiniń zamanaýı qural-jabdyqtary ornatylǵan.
Aıta keteıik, kilemder sıntetıkalyq propılen jipterinen daıyndalady. Polıpropılen jibi álemde qoldanysy eń kóp taralǵan materıal bolyp tabylady. Ol jiptiń erekshe qasıetteriniń biri - shıratylmaıtyndyǵy. ıAǵnı, ıirilmegen jip kilem toqýdaǵy shyǵyndy múmkindiginshe azaıtady. Sonyń arqasynda, kilem shyǵarýdyń jumysyn jeńildetedi. Búginde atalmysh kásiporynda «Bal tekstıl» brendimen myń túrli kilem toqylyp, «BCF», «Heat-Set», «Frize» markaly polıpropılen jipteri ıiriledi. Nátıjesinde, óndirilgen ónimderdiń joǵary sapasy men tıimdi baǵasy, alýan túrli dızaındyq úlgi toptamalarynyń arqasynda fabrıka ujymy 2014 jyly respýblıkalyq «Altyn Sapa» konkýrsynda «Halyq tutynatyn eń úzdik taýar atalymy» boıynsha ekinshi dárejeli dıplommen marapattaldy. Al 2016 jyly Jenevada ótken Halyqaralyq BID sapa konkýrsynda «GOLD» nomınatsııasynyń ıegeri atandy.
