Shymkenttegi kásiporynda gaz ballony jarylyp, bir jumysshy kúıip qaldy

ShYMKENT. QazAqparat - Shymkenttegi kásiporyndardyń birinde gaz ballony jarylyp, bir jumysshy kúıip qaldy. Denesiniń 32 paıyzyn kúıik shalǵan Ózbekstan Respýblıkasynyń azamaty aýrýhanaǵa jetkizildi, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, tótenshe jaǵdaı 2-shi jeltoqsan kúni kafel jelimin shyǵaratyn «Asel Text» JShS-niń aýmaǵynda bolǵan.

«Kúndizgi saǵat 15:25-te kásiporynnyń ashyq alańynda 50 lıtrlik gaz balony atyldy. Sonyń saldarynan 55 jastaǵy Ózbekstan Respýblıkasynyń azamaty kúıik jaraqatyn aldy. Oqıǵa ornyna Eńbekshi aýdandyq tótenshe jaǵdaılar bólimi men órt sóndirý qyzmetinen 11 adam jáne 3 tehnıka jetti»,- delingen habarlamada.

Qazirgi tańda tótenshe jaǵdaıdyń sebep-saldary anyqtalýda.

Aıta keteıik, bul jylytý maýsymy bastalǵaly beri gazdan adam ólimi nemese jaraqat alýmen aıaqtalǵan ekinshi jaǵdaı bolyp otyr.