Shymkenttegi kásiporyn 88 ókpeni jasandy jeldetý apparatyn shyǵardy
Shymkenttegi ókpeni jasandy jeldetý apparatyn shyǵaratyn kásiporyn kúnine 20-25 apparat shyǵarýǵa múmkindigi bar. Búginge deıin 88 ÓJJ apparatyn shyǵarǵan otandyq kompanııa ónimniń baǵasy qoljetimdi, ári táýlik boıy servıstik qyzmet kórsetedi.
Qalalyq densaýlyq saqtaý basqarmasy basshysynyń mindetin atqarýshy Baqytjan Pozılovtyń aıtýynsha, búginde megapolıstegi epıdemıologııalyq ahýal turaqtalǵan. Qalada sońǵy kúnderi oqýshylar arasynda COVID-19 ınfektsııasyn juqtyrǵan naýqas tirkelmegen. Sonymen qatar, qalada emhanalarǵa tirkelý boıynsha jyl saıynǵy naýqan aıaqtalǵan.
«Osy kezeńde qalada medıtsınalyq uıymdy erkin tańdaý quqyǵyn 19 myńnan asa adam paıdalandy. Onyń ishinde 14 – memlekettik emhana, qalǵany – jekemenshik emhanalar», - Baqytjan Pozılov.