Shymkenttegi Qarataý aýdanynyń halqy aýyz sýmen tolyq qamtylady – aýdan ákimi

ShYMKENT. QazAqparat – Shymkenttegi Qarataý aýdanynyń halqyn sapaly aýyz sýmen tolyq qamtý úshin tıisti jumystar atqarylýda. Bul týraly aýdan ákimi Abzal Shymkentbaıuly BAQ ókilderimen kezdesýinde málimdedi, dep habarlaıdy QazAqparat tilshisi.

Kezdesýda aýdannyń bıylǵy áleýmettik-ekonomıkalyq kórsetkishteri men memlekettik baǵdarlamalardyń oryndalý barysyn sóz etken ákim kóshelerdiń de jóndelip jatqanyn jetkizdi.

«Saıram turǵyn alabyndaǵy oblystyq mańyzy bar 4 kósheniń de qurylysy júrgizilip, jyl sońyna deıin paıdalanýǵa berý josparda bar. Aýdandaǵy 392 kóppáterli turǵyn úıdiń 315-iniń ortalyq jylý júıesi qys mezgiline daıyn. Qalǵan 77-si avtonomdy jylý júıesin tutynady», -dedi Abzal Shymkentbaıuly.

Aýdan basshysynyń aıtýynsha, kópqabatty úılerdi qysqy jylý maýsymyna daıyndaý jumysyn «OQO úılerdi basqarý» JShS, «Alıaskar BAM Grýpp» JShS, «Shymkent turǵyn úı qyzmet» JShS, «Qyzmetker SK» JShS mekemeleri atqarǵan. Qazirgi tańda kópqabatty turǵyn úıler jylý maýsymyna tolyqtaı qosylyp otyr.