Shymkenttegi karaoke-barda eki adamdy pyshaqtaǵan jigit ustaldy
ShYMKENT. QazAqparat - Shymkenttiń kóńil kóteretin orynynda eki adamdy pyshaqtaǵan jigit ustaldy. Karaoke-barda qylmys jasaǵan kúdikti Báıdibek aýdanynyń jumyssyz júrgen turǵyny bolyp shyqty, dep habarlaıdy QazAqparat tilshisi.
Oblystyq ІІD-niń baspasóz qyzmetiniń jetekshisi Saltanat Qaragózovanyń aıtýynsha, kúdikti pyshaqtalǵan jábirlenýshilerdi múldem tanymaǵan. Biraq sol orynda janjaldasyp, aýyr qylmys jasaǵan. Qazirgi tańda onyń ústinen Eńbekshi aýdandyq polıtsııa bólimi Qylmystyq kodekstiń 106-baby «Densaýlyqqa qasaqana aýyr zııan keltirý» boıynsha is qozǵap, tergeý amaldary júrgizilýde.
Eske sala ketsek, qylmystyq oqıǵa 6 jeltoqsan kúni Saıram móltekaýdanyndaǵy karaoke-barda bolǵan edi. Kóńil kóteretin orynǵa kelýshilerdiń arasynda janjal shyqqan. Tóbeleste 1988 jáne 1989 jylǵy eki jigit jyshaq jaraqatymen qalalyq jedel járdem aýrýhanasyna tústi. Dárigerler alǵashynda naýqastardy jansaqtaý bólimine jatqyzyp, ota jasaǵan. Qazir jaǵdaılary qalypty bolýyna baılanysty palataǵa aýystyryldy.
