Shymkenttegi ındýstrıaldyq aımaqta órt shyǵyp, sabyn daıyndaýǵa arnalǵan shıkizat janyp ketti

ShYMKENT. QazAqparat – Shymkenttegi ındýstrıaldyq aımaqta órt shyǵyp, sabyn daıyndaýǵa arnalǵan shıkizat janyp ketti, dep habarlaıdy QazAqparat tilshisi.

Oqıǵa Eńbekshi aýdanynda ornalasqan «Ordabasy» ındýstrııaldyq aımaq aýmaǵynda boldy. «Al-Abaı» JShS-na qarasty sabyn shyǵaratyn tseh qoımasynyń ishinde sabyn daıyndaýǵa arnalǵan shıkizat órtke orandy.

«Órttiń kólemi – 285 sharshy metr. Saǵat 23:02-de oqshaýlanyp, 02:29 tolyq sóndirildi. Zardap shekkender men qaıtys bolǵandar joq. Órttiń sebebi men materıaldyq shyǵyndardyń kólemi anyqtalyp jatyr. Oqıǵa ornyna órt sóndirý qyzmetinen 80 qyzmetker, 22 tehnıka, «Eko» JShS-niń 4 dana sý tasyǵyshy men 4 qyzmetkeri jáne memlekettik emes órtke qarsy qyzmetiniń 5 qyzmetkeri men 2 tehnıkasy jumyldyryldy» - delingen Shymkent qalasy TJD qoǵammen baılanys toby taratqan aqparatta.