Shymkenttegi GAP qarjy pıramıdasyna qatysty qylmystyq is aıaqtaldy

ASTANA. QazAqparat - Shymkenttegi GAP qarjy pıramıdasynyń uıymdastyrýshysy azamattarǵa turǵyn úı nemese kólik alýǵa kómektesýdi usynǵan, dep habarlaıdy QazAqparat.

Qarjylyq monıtorıng agenttiginiń Shymkent qalasy boıynsha departamentiniń málimetinshe, qazirgi tańda PK «GAP» pıramıdasyna qatysty qylmystyq is máresine jetti.

«Elimizdiń ońtústik oblystarynyń turǵyndarymen mindetti kirý jarnasy 240 myń teńgeni quraıtyn turǵyn úı nemese avtokólik alýǵa járdemdesý jáne odan ári jınaqtaý úshin aı saıyn 75 myń teńge kóleminde qarajat tóleý týraly kelisimder jasaǵan kúdikti anyqtaldy.

Aqshasyn salǵan azamattar baspana men kólikti ala almady», - dep jazdy agenttikten.

Vedomstvonyń Shymkent qalasy boıynsha departamentine júgingen 33 azamatqa keltirilgen shyǵyn kólemi 77 mıllıon teńgeden asty.

Sot úkimimen uıymdastyrýshy kináli dep tanylyp, 6 jyl 8 aıǵa bas bostandyǵynan aıyryldy.