Shymkenttegi fabrıkalar maska tigýdi qolǵa aldy

ShYMKENT. QazAqparat - Shymkenttegi birneshe tigin kásiporny búginnen bastap medıtsınalyq maskalardy tigýge kóshti. Bul sharalar qala ákimi Murat Áıtenovtiń tapsyrmasynan keıin qolǵa alynyp otyr, dep habarlaıdy QazAqparat tilshisi.

Mysal úshin, qaladaǵy «Gaýhar» tigin fabrıkasynda 450 qyzmetker jumys isteıdi. Mundaǵy jumysshylardyń kúnine 500 myń maskany tigýge múmkindigi bar. Osylaısha qala turǵyndarynyń suranysy tolyq qamtamasyz etiledi dep josparlanyp otyr. Sondaı-aq, maskalar turaqty baǵamen satylatyny kútilýde.

Aıta keteıik, buǵan deıin qaladaǵy dárihanalardyń basym kópshiliginde maska tapshylyǵy týyndaǵan bolatyn.