Shymkenttegi emhanalarda demalys kúnderi de vaktsına salynatyn boldy
Ótken senbi, jeksenbi kúnderi bastapqy sanıtarııalyq medıtsınalyq kómek kórsetý uıymdarynda jumys isteıtin azamattarǵa kovıdke qarsy ekpe salyndy, dep habarlaıdy QazAqparat tilshisi.
Aıta keteıik, búginge deıin 7181 azamatqa koronavırýsqa qarsy qarsy vaktsına salynǵan. Ekpe alǵandardyń 70 paıyzdan astamy medıtsına mamandary. Qalǵany muǵalimder men quqyq qorǵaý organdarynyń qyzmetkerleri.
Eske sala ótsek, ekpe salý túrli sanat boıynsha kezegimen júrgiziledi. Infektsııaǵa qarsy vaktsınalaý jumystary qaladaǵy 26 emdeý mekemesinde júrgizilýde. Buǵan qosa qosymsha 10 bastapqy medıtsınalyq-sanıtarııalyq alǵashqy kómek uıymdarynda vaktsınatsııa jasaý úshin arnaıy kabınetter daıyndaldy. Sanıtarlyq-epıdemıologııalyq baqylaý departamenti densaýlyq saqtaý basqarmasymen birlesip vaktsınalaý boıynsha 450 medıtsına qyzmetkeri úshin arnaıy trenıng, semınarlar ótkizdi. Búgingi tańda vaktsına saldyrý – koronavırýs aýrýynyń taralýyn boldyrmaýdyń birden bir joly bolyp otyr. Vaktsına tegin jáne erikti túrde salynady.