Shymkenttegi dendrosaıabaqqa Asanbaı Asqarovtyń esimi berildi

ShYMKENT. QazAqparat- Shymkent qalasyndaǵy dendrosaıabaqqa Asanbaı Asqarovtyń esimi berildi. Mundaı tarıhı sheshim Qazaqstan Respýblıkasy úkimetiniń qaýlysynan keıin qabyldandy, dep habarlaıdy QazAqparat tilshisi.

Qalalyq ákimdiktiń málimetinshe, Shymkent qalalyq máslıhatynyń  HІ sessııasynda dendrosaıabaqqa qoǵam qaıratkeri Asanbaı Asqarovtyń esimin berý týraly QR Úkimetine usynys jiberilgen bolatyn. Bul usynys Úkimette qaralyp, 23 qazanda qoldaý tapty.

Aıta keteıik, Asanbaı Asqarov 1978 jyldan 1985 jylǵa deıin Ońtústik Qazaqstan oblysy obkom partııasynyń birinshi hatshysy qyzmetin atqarǵan. Qalanyń kórikti jeriniń birine aınalǵan dendrosaıabaq ta Asqarovtyń tikeleı atsalysýymen ashylyp, halyq ıgiligine berilgen.