Shymkenttegi dendrosaıabaq zamanaýı tájirıbege laıyqtalyp ózgertiledi

ShYMKENT. QazAqparat - Shymkent qalasy ákiminiń orynbasary Danat Jýmın dendrosaıabaq basshylyǵy jáne qyzmetkerleri, sondaı-aq dızaınerler, arxıtektorlarmen jınalys ótkizdi, dep habarlaıdy QazAqparat.

«Qazirgi tańda dendrosaıabaqtyń burynǵy ásemdegi saqtalmaǵan. Máselen, sýǵarý júıesinde sý ishetin oryndardy jóndeý, aǵashtardy emdeý, jańa aǵashtar otyrǵyzý, qýraǵan aǵashtardy alyp tastaý qajet. Odan bólek, dendrosaıabaǵymyzda adamdarǵa qolaıly jaǵdaı týǵyzýǵa nazar bólýimiz qajet. Mysaly úshin júgirýge, velosıped tebýge arnaıy joldar týraly. Jalpy aıtqanda, tarıxı dendrosaıabaǵymyzdy zamanaýı tájirıbemen biriktirý qajet dep oılaımyn», - dep jazdy Danat Jýmın Feısbýktegi paraqshasynda.
 

Onyń aıtýynsha, Shymkent dendrosaıabaǵynyń óz tarıxy bar. Bul saıabaq Asanbaı Asqarovtyń qoldaýymen qalanyń qoqys tastaıtyn jeriniń ornyna salynǵan bolatyn. Onda búkil Eýrazııadan ákelingen túrli aǵashtardy otyrǵyzylypp, dendrosaıabaq qala turǵyndarynyń jáne qonaqtarynyń serýendeıtin jasyl alańyna aınalǵan.

«Búgin dendrosaıabaqqa baryp, onyń basshylarymen, qyzmetkerlerimen, qalada jumys jasaıtyn dızaınerlermen jáne arxıtektorlarmen jınalys ótkizdim. Olardyń kózqarasy men tyń oılary qandaı ekendigin tyńdadym. Jaqynda Dendrosaıabaq Túrkistan oblysy menshiginen Shymkent qalasy menshigine ótedi. Sonda ne jasaıtyn bolamyz aldyn ala oılaýymyz qajet», - dep jazdy Danat Jýmın.

Sondaı-aq, ol jeli paıdalanýshylarynan dendrosaıabaqty jaqsartýǵa qatysty usynystardy kútetinin jetkizdi.