Shymkenttegi dendrobaqtan órt shyqty

ShYMKENT. QazAqparat - Shymkenttegi dendrobaqtan órt shyqty, dep habarlaıdy QazAqparat tilshisi.

Oqıǵa ornyna jedel jetken órt sóndirýshiler saıabaq aýmaǵyndaǵy qurǵaq shópterdiń janyp jatqanyn anyqtaǵan. Órttiń kólemi 0,25 ga qurap, ony sóndirýge Shymkent qalasy TJD Órt sóndirý qyzmetiniń 24 qyzmetkeri men 5 tehnıkasy jumyldyryldy.

«Órt saǵat 19.25-te oqshaýlanyp, saǵat 19.31-de tolyǵymen sóndirildi. Órtten zardap shekkender men qaıtys bolǵandar joq. Dendrosaıabaqtyń aýmaǵy qurǵaq shópterden tazartylmaǵandyqtan, jaýapty tulǵalar QR ÁQtK-nyń 410-baptyń 2-tarmaǵyna sáıkes ákimshilik jaýapqa tartylýy múmkin», - delingen Shymkent qalasy TJD qoǵammen baılanys toby taratqan habarlamada.