Shymkenttegi tsıfrlandyrý oqýshylardyń úlgerimin 10 paıyzǵa arttyrdy

ASTANA. QazAqparat - Shymkentte bilim berý protsesin tsıfrlandyrý oqýshylardyń oqý úlgerimin 10 paıyzǵa arttyrdy. Bul týraly búgin «Tsıfrlyq Qazaqstan» baǵdarlamasyn júzege asyrýǵa arnalǵan konferentsııada QR Premer-Mınıstriniń orynbasary Asqar Jumaǵalıev málim etti, dep habarlaıdy QazAqparat.

«Bizde naqty jospar bar, sondyqtan da jyl sońyna deıin qalalardy tsıfrlyq bilim berý júıesimen qamtý eskerilgen. Bul turǵyda oqý úlgerimin arttyrýǵa múmkindik beretin tetikterdi ata-analarǵa jáne balalarǵa berý josparlanǵan. Osy oraıda, naqty jetister bar. Máselen, Shymkenttegi qanatqaqty joba aıasynda qyzyqty faktiler tirkeldi. Protsesterdi tsıfrlandyrý arqasynda oqýshylardyń mektepke barý úlesi eselep artty. Buǵan deıin mundaı problema bolǵan edi. Keı kezderi balalar 22 myń saǵat kóleminde oqýǵa barmaıtyn. Qazirgi kezde bul kórsetkish ózgerip, 2 myń saǵatqa deıin tómendedi. ıAǵnı, tsıfrlandyrý múmkindigimen ata-analar balasynyń mekteptiń ornyna kınoǵa nemese basqa jerge barǵanyn bile alady. Sáıkesinshe, tıisti sharalardy qabyldaýǵa múmkindik alady. Bul baǵyttaǵy qadamdar naqty osy óńirde oqý úlgerimin 10 paıyzǵa jaqsartýǵa jol ashty. Sondyqtan da bul jumystardy áli de pysyqtaımyz», - dedi Jumaǵalıev.

Budan buryn habarlanǵandaı, atalǵan konferentsııa barasynda «Zerde» ulttyq aqparattyq-kommýnıkatsııa holdınginiń basqarma tóraǵasy Rýslan Eńsebaev qolma-qol aqshasyz tólemderdiń jalpy ishki ónimge áseri týraly aıtqan bolatyn. 

Búginde Qazaqstanda qolma-qol aqshasyz tólemder úlesi 10 paıyzdy qurap otyr, alaıda baǵdarlama aıasynda onyń deńgeıin 35 paıyzǵa deıin jetkizý josparlanǵan.