Shymkenttegi búldirshin qaıtys bolǵan balabaqsha ýaqytsha jabyldy
ShYMKENT. QazAqparat - Shymkenttegi búldirshin qaıtys bolǵan balabaqsha ýaqytsha jabyldy. «Malenkıı prınts» jekemenshik baqshasy kesheden beri bala qabyldap jatqan joq. Bul týraly búgin oblystyq bilim basqarmasynyń baspasóz qyzmeti málimdedi, dep habarlaıdy QazAqparat HAA tilshisi.
Al balabaqshada tekserý sharalary júrgizilip jatyr. Qaıtys bolǵan búldirshinniń máıiti sot-medıtsınalyq saraptamadan ótkizilýde eken. Sonyń qortyndysyna sáıkes balanyń ne sebepti kóz jumǵany anyqtalady.
Eske salaıyq, kúni keshe qaladaǵy balabaqshalardyń birinde búldirshin qaıtys bolǵan edi. Mektepke deıingi mekeme qyzmetkerleriniń sózinshe 2 jas 8 aılyq er bala tús kezinde tósegine jatyp uıyqtap, sodan oıanbaǵan. Qaıǵyly jaǵdaı oryn alǵan soń balabaqsha qyzmetkerleri oqıǵa ornynan jedel járdem qyzmeti men potseılerdi, balanyń ata-anasyn shaqyrtqan edi.
