Shymkenttegi balmuzdaqtan ýlaný oqıǵasy: Júkti áıel jansaqtaý bóliminde
ShYMKENT. QazAqparat - Shymkentte turǵyndardyń jappaı ýlanýyna sebepshi bolǵan balmuzdaq satatyn oryndy tekserý jumystary bastalyp ketti. Bul týraly oblystyq densaýlyq saqtaý basqarmasynda ótken brıfıngte aıtyldy, dep habarlaıdy QazAqparat tilshisi.
Sala mamandarynyń sózinshe, oblystyq qoǵamdyq densaýlyq saqtaý departamenti men oblystyq densaýlyq saqtaý basqarmasynyń mamandarynan arnaıy brıgada qurylǵan. Olar «ıÝjnoe» atalatyn saýda núktesin tekserip jatyr.
«Balmuzdaq satqan orynnan arnaıy synamalar alyndy. Ol jerdegi qyzmetkerlerden de anamnez aldyq. Taǵy bir brıgadamyz aýrýhanada ár naýqaspen sóılesip, jeke-jeke anamnez alý ústinde. Barlyǵy tekserilýde. Nátıjeleri boljam boıynsha úsh kúnnen keıin daıyn bolady», - deıdi oblystyq qoǵamdyq densaýlyq saqtaý departamenti bastyǵynyń orynbasary Jumaǵalı Medetov.
Al oblystyq densaýlyq saqtaý basqarmasynyń basshylyǵy balmuzdaqtan ýlanǵandardyń alǵashqy legi Shymkent qalalyq Juqpaly aýrýlar aýrýhanasyna 29 - 30 naýryz kúnderi túskenin aıtady.
«Naýqastar toqtamaı qusý men dıareıaǵa shaǵymdanǵan. Osy ýaqytta olardyń sany 39-ǵa jetti. Túskenderdiń arasynda 21-i eresek adam, 14 jasqa deıingi 11 bala jáne 7 jasóspirim bar. Úsheýi aýrýhananyń jansaqtaý bólimshesine jatqyzyldy. Olardyń ishinde júkti áıel men 2 jasóspirim bar. Búgingi kúnge barlyq naýqastardyń jaǵdaıy turaqty, olarǵa tıisti em-dom jasalýda. Aýrýhanada tósek oryndary jetkilikti», - deıdi oblystyq densaýlyq saqtaý basqarmasy basshysynyń orynbasary Aıgúl Jaqypqyzy.
Eske salaıyq, kesheden beri Shymkentte turǵyndar balmuzdaq jep, jappaı ýlanyp qalǵan bolatyn. Barlyǵy da balmuzdaqty bir jerden satyp alǵanyn jetkizgen.
