Shymkenttegi balmuzdaq satatyn 70 saýda núktesinde sanıtarlyq normalar saqtalmaǵan
ShYMKENT. QazAqparat - Shymkentte balmuzdaq satatyn 70 saýda núktesiniń sanıtarlyq normalardy saqtamaıtyny, kóptegen kemshilikterge jol beretini anyqtaldy. Mundaı kemshilikter Oblystyq qoǵamdyq densaýlyq saqtaý depatamenti qyzmetkerleriniń júrgizgen jospardan tys tekserý sharalary barysynda belgili boldy, dep habarlaıdy QazAqparat tilshisi.
Oblystyq qoǵamdyq densaýlyq saqtaý departamenti basshysynyń orynbasary Aldarqul Ahmetovtyń aıtýynsha, kásipkerler balmuzdaq satý oryndarynyń ashylǵany týraly tıisti basqarmalarǵa habar bermeı, zańsyz jumys istep kelgen. Kóptegen satý oryndary ortalyqtandyrylǵan sý men káriz júıelerine qosylmapty. Onda jumys isteıtin qyzmetkerler medıtsınalyq tekserýden ótpegen, tıisti kitapshalardy almaı júrgeni anyqtaldy. Eń bastysy, balmuzdaqqa qajetti qospalardy úı jaǵdaıynda daıyndap, tipti táttige qosatyn qospalardyń sáıkestik sertıfıkattary joq bolyp shyqty.
«70 balmuzdaq satý oryndary jospardan tys tekserildi. Barlyǵynan kemshilikter tabyldy. Olardan zerthanaǵa 282 azyq-túlik synamasyn aldyq. Satý oryndaryndaǵy 95 adamnan bakterııa tasymaldaýshylyqqa synamalar alyndy. Olardy tıisti zerthanalarda tekserýdemiz», - deıdi Aldarqul Ahmetov
Sanıtarlyq mamandar buǵan deıin Shymkent qalasynda jappaı ótkir ishek ınfektsııasynyń tirkelýi boıynsha júrgizilgen epıdemıologııalyq tekserýdiń nátıjesinde, buǵan úı jaǵdaıynda tehnologııalyq protsesterdi óreskel buza otyryp, gıgıenany saqtamaı daıyndalǵan balmuzdaq sebep bolǵanyn anyqtaǵan edi. Ári juqpaly aýrýdyń kózi ıaǵnı ınfektsııanyń tasymaldaýshysy - balmuzdaq daıyndaýǵa qatysqan qyzmetkerlerler bolǵanyn rastaǵan. ıAǵnı, jospardan tys júrgizilgen zerthanalyq zertteý nátıjelerimen eki qyzmetkerden salmonella, úsh qyzmetkerden stafılakokk ınfektsııasynyń qozdyrǵyshtary tabylǵan.
