Shymkenttegi avtobýstardyń 47 paıyzy tozǵan
ShYMKENT. QazAqparat - Shymkent qalasyndaǵy avtobýstardyń 47 paıyzy tozǵan. Olardyń paıdalaný merzimi 8 jáne 15 jyldan asyp otyr. Bul týraly qalalyq jolaýshylar kóligi jáne avtomobıl joldary basqarmasynyń sektor meńgerýshisi Naýryz Súgirálıev aıtty, dep habarlaıdy QazAqparat tilshisi.
Sektor meńgerýshisiniń sózinshe, alyp shaharǵa jańadan 1 myń qoǵamdyq kólik alý kózdelip otyr. Onyń 300-i bıylǵy jeltoqsan aıyna deıin, al qalǵan 700 avtobýs 2019 jyly alynady dep josparlanýda.
«Shymkenttegi avtobýs parkin jańalaý úshin qoǵamdyq kólikterdiń qarjysyn bólip alý qarastyrylýda. Bul oraıda qalalyq ákimdik «BRK-Lızıng» AQ - qostanaılyq «Saryarqa avtoprom» úshjaqty memorandým jasaldy. «BRK-Lızıng» AQ arqyly 1 myń avtobýsty 7 jyl merzimge alǵashqy jarnasy 15 paıyz, jyldyq 7-8 paıyz stavkamen bólip tóleýdi usyndy», - deıdi Naýryz Súgirálıev.
Aıta keteıik, qazir qalada 26 kólik kompanııasy 1090 kestemen qyzmet kórsetedi. Aldaǵy ýaqytta Shymkenttegi qoǵamdyq kólikterge elektrondy bılet júıesin engizý josparlanyp otyr. Pılottyq joba aldymen 30 avtobýsqa engizilmek.
