Shymkenttegi áýejaı termınalynyń qurylysy kelesi jyly aıaqtalady
«2020 jyly shalǵaıda ornalasqan 40 eldi mekenniń negizgi 80 kóshesin asfalttaý jumysyn júrgizip, qoǵamdyq kólik júrgizý máselesi qaralady. Eldi mekenderdegi 48 kóshe kúrdeli, 73 kóshe ortasha jóndeýden ótedi jáne topyraq joldarǵa tolyǵymen tas tóseledi. Qalanyń 7 magıstraldy kóshesine ortasha jóndeý jumystary júrgiziledi. Olar - Respýblıka, Rysqulov, Gagarın, Syrym batyr, Túrkistan, Qurmanbekov kósheleri men №1 avtojoly», - dedi Shymkent qalasynyń ákimi OKQ-da ótken baspasóz máslıhatynda.
Onyń aıtýynsha, kólik ınfraqurylymyn damytý jáne kólik keptelisin boldyrmaý maqsatynda 11 kósheni keńeıtý jáne 5 kópirdi qaıta qurý jumystary júrgizilýde. Bul jumystar kelesi jyly sońyna jetkizilmek.
«Kelesi jyly qala ortalyǵynda kólik qozǵalysyn jeńildetý úshin 2 jerde úlken jol aıryqtar qurylysyn bastaýdy josparlap otyrmyz (Rysqulov-Qonaev jáne Báıdibek bı - Arǵynbekov kóshelerinde). Qazirgi tańda jobalyq-smetalyq qujattary daıyn. Elbasy tapsyrmasymen jeke ınvestordyń esebinen jańa áýejaı termınalynyń qurylysy bastaldy, 2020 jyly aıaqtalady. Sonymen qatar, kelesi jyly Temir jol vokzalynyń ǵımaraty qaıta qurýdan ótetin bolady», - dedi Erlan Aıtahanov.
Foto: otyrar.kz
