Shymkenttegi aýdandyq sottarda ashyq esik kúni ótti

ShYMKENT. QazAqparat – Shymkenttegi aýdandyq jáne oǵan teńestirilgen sottarda sot jumysynyń zamanaýı formattaryn jáne sottyń jańa elektrondy servısterin tanystyrý maqsatynda press-týr jáne ashyq esik kúni uıymdastyryldy, dep habarlaıdy QazAqparat tilshisi.

Atalǵan sharalarǵa qaladaǵy Halyqaralyq gýmanıtarlyq-tehnıkalyq ýnıversıtet pen M.Ótebaev atyndaǵy Joǵary jańa tehnologııalar kolledji «Zań» bóliminiń stýdentteri, № 8 Muhammed Haıdar Dýlatı atyndaǵy mektep gımnazııa men er balalarǵa arnalǵan №1 lıtseı-ınternatynyń jáne № 25, № 72 jalpy orta mektepteriniń oqýshylary qatysty.

Ashyq esik kúnine qatysqan jastar men jasóspirimder sot ǵımarattaryn aralap, zamanýı elektrondy servıstermen tanysty.

Sondaı-aq, qalalyq mamandandyrylǵan aýdanaralyq ekonomıkalyq sotynyń bastamasymen Joldaýda sotqa júktelgen mindetterdiń iske asyrylý barysyn talqylaý maqsatynda Kásipkerler palatasynda kásipkerlermen kezdesý uıymdastyryldy. Budan bólek, zańgerlerdiń qatysýymen «dóńgelek ústel» májilisi ótkizildi.

Sonymen qatar, Abaı aýdandyq sotynyń tóraǵasy S.Toqbergenov pen sýdıa M.Qudaıbergenova jáne I.Gavrıkova Joldaýda Prezıdenttiń sotqa júktegen mindetterin iske asyrýǵa baılanysty «dóńgelek ústel» uıymdastyrdy.

«Qazaqstan Prezıdentiniń Joldaýyndaǵy sotqa júktelgen mindetteriniń iske asyrylýy» taqyrybynda Shymkent qalasy ákimshilik sotynyń sýdıasy S.Nııazbek uıymdastyrǵan «dóńgelek ústelge» advokattar men quqyq qorǵaý organdarynyń jáne BAQ ókilderi qatysty.

Qala turǵyndaryna da keńinen nasıhattaldy.