Shymkenttegi Astana kúnderi qalaı ótedi
Astana kúnderi aıasynda 28-30 shilde aralyǵynda Shymkentte birqatar merekelik sharalar uıymdastyrylady. Úsh kún boıy beıneleý óneri mýzeıinde turǵyndar men qonaqtar «Astanaǵa, erekshe súıispenshilikpen» atty kórmeni tamashalaı alady.
28 shilde kúni orys drama teatrynyń sahnasynda Qanat Júnisovtyń «Sáken, suńqar» tarıhı dramasy, al 29 shildede Serik Turǵynbekulynyń «Shámshi» elegııasy sahnalanady.
28-30 shilde aralyǵynda «Ońtústik tsırk» arenasynda birqatar qoıylymdar qoıylady. 28 shilde kúni «Túrkistan» kontsert zalynda «Astanadan, súıispenshiliken» atty gala-kontsert ótedi. Al 29 shildede «Elordadan elge sálem! Alpamys» kontserti uıymdastyrylady.
Sondaı-aq 29 shilde kúni Qajymuqan atyndaǵy Ortalyq stadıonda Astana men Shymkent quramalarynyń arasynda kıkboksıngten match uıymdastyrylady.