Shymkenttegi Astana dańǵyly Nursultan Nazarbaev bolyp ózgerdi

ShYMKENT. QazAqparat - Búgin Shymkenttiń ortalyǵyndaǵy Astana dańǵyly Nursultan Nazarbaev bolyp ózgerdi. Mundaı sheshimdi altynshy shaqyrylymdaǵy Shymkent qalasy máslıhatynyń depýtattary kezekten tys qyryq altynshy sessııasynda qabyldady, dep habarlaıdy QazAqparat tilshisi.

Kezekten tys uıymdastyrylǵan jıynǵa qala ákimi Ǵabıdolla Ábdirahymov pen ákimdik músheleri, jergilikti atqarýshy organ basshylary men BAQ ókilderi qatysty. Sessııa kezinde depýtattar Shymkent qalasyndaǵy Astana kóshesine Nursultan Nazarbaev esimin berýdi biraýyzdan qoldady. Astana dańǵyly bul Shymkent qalasynyń basty kóshesi sanalady. Onda qalanyń ákimshilik-iskerlik ortalyǵy ornalasqan.

Aıta keteıik, búgin QR Prezıdentiniń mindetin ýaqytsha atqaratyn Qasym-Jomart Toqaev Astana qalasynyń ataýyn jáne elimizdegi oblys ortalyqtarynda Elbasy N.Nazarbaevqa kóshe ataýlaryn berýdi usynǵan edi. El Prezıdenti bul usynysyn QR Parlamentiniń qos palatasy jáne QR Úkimeti músheleri bas qosqan jıynda sóılegen sózinde aıtqan bolatyn.