Shymkenttegi Ál-Farabı aýdanynda 45 kásipker óz erkimen jumysyn toqtatty

ShYMKENT. QazAqparat – Shymkenttegi Ál-Farabı aýdanynda shekteýlerdi eskermegen jáne sanıtarlyq talaptardy oryndamaǵan 175 kásipkerge ákimshilik hattama toltyrylyp, aıyppul salyndy. Bul týraly aýdan ákimi Ǵabıt Máýlenqulov aqparattyq-kommýnıkatsııalyq ortalyqta ótken brıfıngte aıtty, dep habarlaıdy QazAqparat tilshisi.

Aýdan ákiminiń aıtýynsha, tótenshe jaǵdaı engizilgen ýaqyttan beri 45 kásipkerlik nysany óz erkimen jabylǵan. Sondaı-aq, qalalyq mamandandyrylǵan aýdanaralyq sotynyń sheshimimen tótenshe jaǵdaı kezinde qaýipsizdik talaptaryn buzǵan 5 azamat 3 táýlikke qamaýǵa alynǵan.

«Aýdan aýmaǵyndaǵy Shymkent Plaza, Mega Planet, TsÝM jáne Bereke atty 4 iri saýda ortalyqtary jabylǵan. Al, Akbar jáne ortalyq qyrǵyz bazarlardyń jumys isteý ýaqyty shektelse, Darhan bazary tolyq jabyldy. Jumys istep turǵan bazarlardyń aýmaǵynda kúnine 2 ret dezınfektsııa jasalýda. Bazar ákimshilikteri saýdagerler men kelýshilerdiń medıtsınalyq betperde men qolǵap kııýin jáne qoldy antıseptıkalyq óńdeýden ótkizýin qadaǵalap otyr», - dedi Ǵabıt Máýlenqulov.