Shymkenttegi 9 mektepte oqýshylar úsh aýysymda bilim alýda
Shymkent qalasynda bıyl paıdalanýǵa beriletin 11 mekteptiń esebimen jekemenshik bilim mekemesiniń sany 62-ge jetedi. Jeke mektepter sanyn kóbeıtý - bıýdjetke túsetin júktemeni tómendetýge, oryn tapshylyǵyn azaıtýǵa, bilim sapasyn jaqsartýǵa jáne pedagog mártebesin arttyrýǵa múmkindik berip otyr. Al, bul ınvestor úshin tutyný kepildigi bar tabysty ári uzaq merzimdi bıznes joba bolyp tabylady.
Ótken jyly megapolıste 25 jańa mektep ashylyp, úsh aýysymdy mektepter sany 14-ten 9-ǵa tómendegen. Al, apatty mektepter joq.
«Jas daryn-3» jeke menshik mektebiniń qurylysymen tanysý barysynda qala ákimi ınvestorlar esebinen salynatyn bilim nysandary tıimdiligine toqtaldy.
«Jan basyna shaqqandaǵy qarjylandyrý – bıýdjet qarajatynyń jumsalý tıimdiligin arttyrady, jalpy bilim beretin mektepterdiń materıaldyq jaǵdaıyn jaqsartady jáne jumys nátıjelerin yntalandyrýdyń qosymsha sharalary esebinen pedagogtyń bedelin joǵarylatýǵa septigin tıgizedi»,-dedi M.Áıtenov.
Qala ákimi ınvestordyń esebinen salynyp jatqan jekemenshik mektepterdiń qurylysymen tanysty.
Memleket basshysy 2023 jyldyń sońyna deıin úsh aýysymdy jáne apatty mektepterdi joıý týraly úkimetke naqty tapsyrma júktegenin aıtqan Murat Áıtenov mektep qurylysyn kúsheıtý úshin jeke kásipkerlerdi kóptep tartý kerektigin jetkizdi.