Shymkenttegi №4 balalar úıiniń mańy jaryqtandyryldy
ASTANA. QazAqparat - Óńir basshysy B.Atamqulovtyń tapsyrmasyna sáıkes, Shymkent qalasyndaǵy №4 balalar úıine jaryqtandyrýǵa arnalǵan 12 dana baǵana ornatyldy. Bul qolaısyzdyq qaıyrymdy demeýshiler esebinen sheshilip otyr.
Jumystardy uıymdastyrǵan oblystyq energetıka jáne turǵyn úı kommýnaldy sharýashylyq basqarmasy bolyp tabylady.
Aıta ketý kerek, nysannyń aýmaǵynda ornalasqan 5 jaryqtandyrý baǵandary eskirgen jáne jaramsyz bolatyn. Ol qarańǵy túskende balalar úıi aýmaǵynda júrý, ıaǵnı ashanaǵa, mektepke, sport keshenine jáne t.b. qajettilikterine baryp kelýge qolaısyzdyq týdyratyn edi.
Balalar úıiniń aýmaǵy 4,5 ga jerdi qamtıdi. Qazirgi tańda onda 95 bala tárbıelenýde. Balalar úıiniń aýmaǵynda jatyn ǵımaraty, sport kesheni, mektep, ashana, monsha, kir jýatyn jáne ot jaǵý ǵımarattary ornalasqan, dep habarlaıdy OQO ákiminiń baspasóz qyzmeti.
