Shymkenttegi 4 aýrýhana janyna ottegi stantsııalary ornatylady
ShYMKENT. QazAqparat – Shymkenttegi tórt aýrýhananyń bazasynda ottegi stantsııasy ornatylatyn boldy. Bul týraly qala ákiminiń birinshi orynbasary Erbol Sadyr málim etti, dep habarlaıdy QazAqparat tilshisi.
Erbol Sadyrdyń aıtýynsha, atalǵan stantsııalar qalalyq perzenthana men juqpaly aýrýhanada, №1 qalalyq jáne №2 kópsalaly aýrýhanada ornatylmaq. Atalǵan ár medıtsınalyq mekemede kıslorodtyq 50 tósek-oryn ashylady.
Qala ákiminiń birinshi orynbasary budan bólek, ottegi óndiretin taǵy bir tseh iske qosylatynyn atap ótti. Onda kúnine 1000-2000 dana ottegi ballony shyǵarylmaq.
Sonymen qatar ol ottegi óndiretin qaladaǵy iri 3 stantsııanyń jumysy turaqty baqylaýda ekenin aıtty.
«Jalpy qalada 722 kıslorodtyq tósek-oryn bar. Al, qala aýmaǵyndaǵy barlyq 24 aýrýhanada bir kúnde 1200 kıslorodty ballon qajettiligi týyndap otyr»,- dedi Erbol Sadyr.
