Shymkentte jylytý maýsymyndaǵy órt qaýipsizdigi sharalary júrgizilýde

ShYMKENT. QazAqparat – Shymkentte jylytý maýsymyndaǵy órt qaýipsizdigi sharalary júrgizilýde. Qalalyq Tótenshe jaǵdaılar departamentiniń mamandary turǵyn úılerdi aralap, túsindirý jumystaryn júrgizýde, dep habarlaıdy QazAqparat tilshisi.

Saqtyq sharalaryna udaıy kóńil bóletin qyzmetkerler turmystyq jaǵdaıy tómen otbasylar men kópbalaly januıalardy jáne jalǵyz basty qarııalar turatyn turǵyn úılerdi aralap shyqty. Olarǵa órt qaýipsizdigi erejelerin saqtaý kerektigin túsindirdi. Sonymen qatar gazben ýlanýdyń aldyn alý jáne turǵyn úılerdegi jylytý peshterin durys paıdalaný maqsatynda, jylytý qurylǵylarynyń qurylys normalary men erejeleriniń sáıkestigine nazar aýdarý kerektigin eskertip shyqty. Mamandardyń aıtýynsha, ásirese «Kamen» peshin durys paıdalaný kerek. Sebebi, sońǵy kezderi ýlanýdyń basym bóligi osy peshten paıda bolyp otyr eken. Kóp jaǵdaıda turǵyndar peshterin qysqa daıyndamaı, sońy qaıǵyly jaǵdaılarǵa ákelip soýda.